A semana pasada acollemos no Colexio a Cruz de Lampedusa. Desde o Bispado de Ourense convidáronnos a ser parte da peregrinaxe da Cruz que, feita en Lampedusa con madeiras de barco, símbolo dos naufraxios nese mar, comezou en Roma e chegou á nosa Diocese o 30 de decembro do 2021.
Na Igrexa do Colexio puidemos xuntarnos onda esta cruz toda a Comunidade Educativa. Pasamos tempo, fixemos pequenas celebracións e deixamos mensaxes e pegadas de ánimo e solidariedade cos migrantes da Terra.
Foi unha semana distinta, que nos axudou a mirar máis alá do “noso mundo”.
Grazas, Lampedusa, por narrar a túa historia en catro verbas: ACOLLER, PROTEXER, PROMOVER, INTEGRAR.
Feliz aprendizaxe!
