Esta mañá os alumnos de 1º de ESO do noso colexio tiveron a ocasión de compartir experiencias co escritor, gañador do Premio Merlín 2018, Héctor Cajaraville. O motivo da súa visita foi expoñerlle aos alumnos o proceso creativo do libro que leron nas aulas durante o segundo trimestre Quen dá a quenda?, finalista do Premio Merlín de 2015 e que captou o interese do alumnado dende o inicio da súa lectura, por ser una obra engaiolante chea de personaxes humanizados.
Na súa exposición contou que este foi o seu primeiro libro froito duhna morea de ideas que fora recopilando e aínda que nun principio se propuña traballalas por separado, ao final decidiu xuntalas nun mesmo libro. Para darlle unidade creou o personaxe da meiga Divina que será a que faga que encaixe tódalas historias.
Tamén lles contou que nesta obra descobre dalgún xeito como concibe el o mundo, poñendo en valor a solidariedade dentro do noso mundo real que quixo encarnar na meiga Divina. Esta personaxe representa a xenerosidade cos demais, que presta a súa axuda para resolver problemas e logo cando ela está en dificultades, recibe a recompensa dos demais prestándolle axuda, cada un dentro das súas posibilidades. ”Cando nos axudamos os demais tamén o van facer, a solidariedade é unha inversión”.
A súa vocación por escribir venlle de cando aos 11 anos comezou a ler moito e empezou a gustarlle a idea de poder escribir algún día un libro. Confirmoulles que se atopa moi a gusto escribindo literatura infantil porque durante o seu proceso de creación permítelle disfrutar máis das ferramentas ao seu alcance, coma o xogo de palabras presente no propio título do libro. Gústalle dipoñer de tempo e tranquilidade para escribir.
Antes de finalizar, os alumnos tiveron ocasión de facerlle diversas preguntas referentes a súa vida como escritor e as circustancias que lle afectan na súa relación co mundo editorial.
A visita rematou agasallando a cada un dos alumnos asistentes cunha dedicatoria personalizada nos propios exemplares.
Sen dúbida hoxe os alumnos disfrutaron con este encontró e coa súa simpatía e amabilidade.
Palabras adicadas os alumnos nos seus propios libros.
Palabras adicadas os alumnos nos seus propios libros.